აშშ-ის ყოფილი პრეზიდენტი დონალდ ტრამპი სოციალურ ქსელს ორ-სამ თვეში, საკუთარ პლატფორმაზე დაუბრუნდება. ამის შესახებ Fox News იუწყება.
ტრამპი თანაშემწის, ჯეისონ მილერის განცხადებით, პრეზიდენტმა საკუთარი სოციალური ქსელის შექმნის გადაწყვეტილება მას შემდეგ მიიღო, რაც იგი Twitter-სა და Faccebook-ზე დაბლოკეს.
”პრეზიდენტი ტრამპი ორ-სამ თვეში დაბრუნდება სოციალურ ქსელში, საკუთარი პლატფორმით, რომელიც მთლიანად შეცვლის თამაშის წესებს და ათობით მილიონ ახალ მომხმარებელს მოიზიდავს”, - განაცხადა მილერმა.
იანვრის დასაწყისში, Twitter-მა დონალდ ტრამპი საბოლოოდ დაბლოკა მას შემდეგ, რაც პრეზიდენტმა ამერიკელებს კაპიტოლიუმში შეჭრისაკენ საჯაროდ მოუწოდა.