აშშ-ის ყოფილი პრეზიდენტის, დონალდ ტრამპის საკომუნიკაციო პლატფორმა From the Desk of Donald J Trump სამუდამოდ დაიხურა. ინფორმაციას ამის შესახებ ყოფილი ლიდერის უფროს თანაშემწეზე, ჯეისონ მილერზე დაყრდობით BBС ავრცელებს.
"პლატფორმა მხოლოდ დამატებითი საშუალება იყო უფრო ფართო ძალისხმევებისა, რომლებზეც ვმუშაობთ", - განაცხადა მილერმა.
ვებ-გვერდზე, რომელსაც ხშირად ბლოგს უწოდებდნენ, ტრამპის შეტყობინებები ჩნდებოდა. მომხმარებელს მათი მოწონება და Facebook-სა და Twitter-ში გაზიარება შეეძლოთ.
აშშ-ის ყოფილმა პრეზიდენტმა, დონალდ ტრამპმა კომუნიკაციის ახალი პლატფორმა 5 მაისს წარადგინა, მას შემდეგ რაც 6 იანვარს ტრამპის მომხრეების მიერ კაპიტოლიუმის შტურმის მცდელობის გამო Facebook-მა და Twitter-მა ტრამპის ანგარიშები დაბლოკა.