აშშ-ის საპრეზიდენტო არჩევნებამდე რამდენიმე დღით ადრე, პრეზიდენტ დონალდ ტრამპის მომხრეების რაოდენობრივი მაჩვენებელი გაიზარდა. Fox News-ის მიერ მომზადებული გამოკითხვის თანახმად, ის მის კონკურენტ, დემოკრატ ჯო ბაიდენს, არა 10, არამედ 8%-ით ჩამორჩება.
გამოკითხვის თანახმად, რომელიც 27-დან 29 ოქტომბრამდე პერიოდში ჩატარდა, ტრამპს სავარაუდო ამომრჩეველთა 44% უჭერს მხარს, ხოლო ბაიდენს 52%.
ოქტომბრის დასაწყისში ამერიკის ამჟამინდელ ლიდერს მხარი გამოკითხულთა 43%-მა დაუჭირა, ხოლო მის კონკურენტს - 53%-მა.
Fox News-ის გამოკითხვაში მონაწილეობა 1.3 ათასზე მეტმა რესპონდენტმა მიიღო.
ცნობისთვის, საპრეზიდენტო არჩევნები აშშ-ში 3 ნოემბერს გაიმართება. ქვეყნის კანონმდებლობით, კენჭისყრის საბოლოო შედეგს 538-წევრიანი საარჩევნო კოლეგია განსაზღვრავს.