აშშ-ის პრეზიდენტ დონალდ ტრამპს მისმა სიძემ და უფროსმა მრჩეველმა, ჯარედ კუშნერმა არჩევნებში დამარცხების აღიარებისკენ მოუწოდა. ამის შესახებ CNN იუწყება.
გამოცემის ცნობით, არჩევნებში ჯო ბაიდენის გამარჯვების მიუხედავად, ტრამპი დანებებას არ აპირებს.
ტრამპი ამტკიცებს, რომ არჩევნების შედეგები გაყალბებულია და სინამდვილეში მან გაიმარჯვა.
დონალდ ტრამპი აცხადებს, რომ 9 ნოემბერს ის არჩევნების შედეგების სამართლიან გამოძიებას სასამართლოში მოითხოვს.
