დონორები ავღანეთს გაყინული ფონდებიდან 280 მილიონ აშშ დოლარს გამოუყოფენ. გაერთიანებული ერების ორგანიზაციის განცხადებით, თანხა სურსათითა და სამედიცინო მომსახურებით უზრუნველყოფას მოხმარდება.
ქვეყანაში ჰუმანიტარული და ეკონომიკური კრიზისია. თალიბანის მიერ ხელისუფლების ხელში ჩაგდების შემდეგ ავღანეთს ფინანსური დახმარება შეუწყდა.
მსოფლიო სურსათის პროგრამა ავრცელებს გაფრთხილებას იმის შესახებ, რომ მოსახლეობის ნახევარზე მეტი შიმშილის პირასაა.
ავღანეთში სამი მილიონი ბავშვი ნუტრიციულ დანაკლისს განიცდის.
