ავღანეთის დედაქალაქ ქაბულში ძლიერი აფეთქება მოხდა, რასაც სროლა მოჰყვა.
სააგენტო "როიტერის" ინფორმაციით, აფეთქება სამთავრობო და დიპლომატიური მისიების შენობებთან ახლოს მოხდა.
ოფიციალური ინფორმაციით, დაშავებულია 7 ადამიანი.
ასაფეთქებელი მოწყობილობა ავტომობილში იყო დამონტაჟებული. აფეთქების შემდეგ, შემთხვევის ადგილზე რამდენიმე შეიარაღებულმა პირმა ცეცხლი გახსნა.
მომხდარზე პასუხიმგებლობა ჯერჯერობით არც ერთ ტერორისტულ დაჯგუფებას არ აუღია.
