საფრანგეთში პროფკავშირების საყოველთაო გაფიცვის გამო ეიფელის კოშკი სტუმრებისთვის დაიხურა.
ამის შესახებ პარიზის მთავარი სიმბოლოს "Twitter"-ში გავრცელებულ განცხადებაშია აღნიშნული.
"ეროვნული გაფიცვის გამო კოშკი ხუთშაბათს დახურული იქნება", - ნათქვამია განცხადებაში.
საფრანგეთში, საყოველთაო გაფიცვის ფონზე, საცობების რიგი უკვე პიკს აღწევს. პარიზის მახლობლად, ილ-დე-ფრანსის რეგიონში, გზებზე მოძრაობა 550 კილომეტრის მანძილზე შეფერხებულია.
En raison du mouvement de grève national, je suis fermée aujourd'hui. Mon parvis reste néanmoins accessible gratuitement.
— La tour Eiffel (@LaTourEiffel) December 5, 2019
Due to a national strike, I'm closed today. Access to my esplanade remains open and free of charge.#tourEiffel #Eiffeltower pic.twitter.com/882RfZ3xct
საპენსიო რეფორმის წინააღმდეგ საყოველთაო გაფიცვა, რომელიც მთელი ქვეყნის მასშტაბით საზოგადოებრივი ტრანსპორტის დიდი ნაწილის პარალიზებას მოახდენს, საფრანგეთში დღეიდან იწყება. პარიზში მეტროს 11 ხაზზე მოძრაობა სრულად შეწყდება და შეზღუდვით, მხოლოდ რამდენიმე ხაზი იმოძრავებს. რაც შეეხება მიწისზედა ტრანსპორტს, პარიზში ავტობუსებისა და ტრამვაის მხოლოდ 30% იმოძრავებს.