სერბი კინორეჟისორი ემირ კუსტურიცა რუსეთის მიერ წარმოებული, კორონავირუსის საწინააღმდეგო ვაქცინით "Sputnik V" აიცრა. ამის შესახებ რუსული მედია წერს 12 თებერვალს.
"პირველი ნემსი უკვე გაკეთებულია, შემდეგი 17 თებერვალს იქნება", - წერს კუსტურიცა "Facebook-ში".
გამალეიას ინსტიტუტი, რომელმაც ვაქცინა შეიმუშავა, აცხადებს, რომ ორი დოზის მიღების შემდეგ, ვაქცინის ეფექტურობა 91%-ს აღემატება. მიუხედავად ამისა, ზოგიერთი რუსი მწარმოებლის აზრით, მეორე დოზა, რომელიც შეჰყავთ პირველიდან 21 დღის შემდეგ, ნაკლებად სტაბილურია.