გაერო-მ ერაყში არსებულ ვითარებასთან დაკავშირებით ანგარიში გამოაქვეყნა. დოკუმენტში ნათქვამია, რომ 1 ოქტომბრიდან 8 დეკემბრის ჩათვლით ქვეყანაში მიმდინარე არეულობებს 424 ადამიანი ემსხვერპლა და 9 ათასი დაშავდა. ეს ოფიციალური მონაცემებია, თუმცა, დაღუპულთა რიცხვი, შესაძლოა, გაცილებით მეტი იყოს.
ანგარიშში აღნიშნულია, რომ ერაყში ირღვევა ადამიანის უფლებები. დემონსტრანტების წინააღმდეგ, სამართალდამცავების მხრიდან, არაპროპორციულ ძალა და კანონსაწინააღმდეგო ზომები გამოიყენება.
გაერო-მ ერაყი ასევე დაკავებულთა მიმართ სასტიკ მოპყრობასა და მათი უფლებების დარღვევაში დაადანაშაულა.
ანტისახელისუფლებო აქციები ერაყში 1 ოქტომბრიდან მიმდინარეობს.
მოსახლეობა უმუშევრობასა და ქვეყანაში გამეფებულ კორუფციას აპროტესტებს.
მედეა ცხოვრებაძე
ავტორი