ესპანეთში, სადაც, ინფექციის გავრცელების თვალსაზრისით, შეერთებული შტატების შემდეგ ყველაზე მძიმე მდგომარეობაა, ბოლო 24 საათში კორონავირუსით კიდევ 674 ადამიანი გარდაიცვალა. დაღუპულთა რაოდენობამ ქვეყანაში 12 418-ს მიაღწია.
გასული დღე-ღამის განმავლობაში, ინფიცირების 4 591 ახალი შემთხვევა გამოვლინდა. დაავადებულთა საერთო რაოდენობამ 130 759-ს მიაღწია.
გამოჯანმრთელდა 38 080 პაციენტი. 80 261 ადამიანი საავადმყოფოში მკურნალობას განაგრძობს. მათგან 6 532 პაციენტის მდგომარეობა მძიმეა.
