ესპანეთში თვის ბოლოს კორონავირუსის საწინააღმდეგო რეკორდული რაოდენობის ვაქცინებს ელოდებიან. ამის შესახებ ჯანდაცვის მინისტრმა, კაროლინა დარიასმა განაცხადა. ინფორმაციას Euronews ავრცელებს.
მინისტრის თქმით, თვის ბოლო კვირაში, ესპანეთში სხვადასხვა ვაქცინის 4 მილიონი დოზა შევა.
აღსანიშნავია, რომ ესპანეთმა უკვე მიიღო 1,7 მილიონი დოზა Pfizer-ისგან, 103 ათასი AstraZeneca-სგან, 188 ათასი Moderna-სგან. ამასთან, უახლოეს დღეებში ესპანეთში ელოდებიან 214 ათას Moderna-ს ვაქცინას და 1,56 მილიონ დოზა AstraZeneca-ს.
ჯანდაცვის მინისტრი იმედოვნებს, რომ ვაქცინების მოამარაგება იმუნიზაციის პროცესს დააჩქარებს და ის თავდაპირველად დათქმული ვადების შესაბამისად იქნება შესრულებული.
ვახო რევაზიშვილი
ავტორი