ესპანურმა ბანკმა Santander-მა დიდ ბრიტანეთში ათასობით კლიენტის ანგარიშებზე შეცდომით 175 მილიონი დოლარი გადარიცხა. ზოგმა "საჩუქრის" დახარჯვა უკვე მოასწრო. Report.ge-ს ცნობით, ინფორმაციას ВВС ავრცელებს.
გაერთიანებული სამეფოს ბანკის თითქმის 75 ათასმა კლიენტმა, რომლებიც ერთჯერად, ან განმეორებით ფულად გზავნილს იღებდნენ, განმეორებითი თანხა მიიღეს.
აღნიშნულია, რომ გზავნილი განხორციელდა ბანკის რეზერვებიდან და არა კომპანიებისგან.
ბანკის ხელმძღვანელობას მოუწევს, დუბლირებულ გზავნილებს გაუმკლავდეს და სხვა ბანკებთან მოლაპარაკებები გამართოს, რათა შეცდომით გაგზავნილი თანხის ნაწილი მაინც დაიბრუნოს.
