ესტონეთის პრემიერ-მინისიტრმა კაია კალასმა ესტონურ მედიასთან ინტერვიუში განაცხადა, რომ საქართველოს პრემიერ-მინისტრთან ბრიუსელში ფარული მოსმენების სკანდალზეც ისაუბრა.
მისი თქმით, ქართველ კოლეგასთან საუბრისას განაცხადა, რომ მიუღებელია ევროპელი დიპლომატების ფარულად მოსმენა. ადგილობრივ მედიაში აღნიშნულია, რომ შეხვედრა თბილ გარემოში წარიმართა.
“მე ვუთხარი, რომ ეს სრულიად მიუღებელია, რომ თქვენ ჩვენ გვისმენთ. ჩვენ – თქვენი მეგობრები ზურგსუკან არაფერ ცუდს არ ვლაპარაკობთ. ასე არ ხდება. ვკითხე, რამდენად შორსაა გამოძიება, იმიტომ, რომ მანამდე გვაცნობეს, რომ ის მიმდინარეობდა. საქართველოს პრემიერის თქმით, შემთხვევას იძიებენ, თუმცა მას კონკრეტული პასუხი არ ჰქონია", – განაცხადა კალასმა.
