COVID-19-ის ვაქცინების მიწოდებასთან დაკავშირებით ევროკავშირი კომპანია AstraZeneca-ს წერილს მისწერს. ამის შესახებ ევროკავშირის აღმასრულებელი ხელისუფლების წარმომადგენელმა განაცხადა.
კონტრაქტის მიხედვით, კომპანია ვალდებულია ივნისის ბოლომდე ევროკავშირს 300 მილიონი დოზა მიაწოდოს, თუმცა გასულ კვირას AstraZeneca-მ განაცხადა, რომ წარმოებასთან დაკავშირებული პრობლემებისა და საექსპორტო შეზღუდვების გამო ევროკავშირს მხოლოდ 100 მილიონ დოზას მიაწვდის.
"ჩვენ AstraZeneca-სთვის წერილის მიწერას ვაპირებთ, რომელიც საშუალებას მოგვცემს, დავის დარეგულირების პროცესის ფარგლებში კომპანიასთან დიალოგი დავიწყოთ", - განაცხადა მან პრესკონფერენციაზე.
მისი თქმით, წერილი ამჟამად მომზადების პროცესში და გაგზავნამდე ის ევროკავშირის ქვეყნების ლიდერებთან იქნება შეთანხმებული. კითხვაზე - შესაძლებელია თუ არა, რომ ეს წერილი AstraZeneca-ს წინააღმდეგ სასამართლო დავის დასაწყისი გახდეს, ევროკავშირის წარმომადგენელმა უპასუხა: "დღეს ჩვენ კონკრეტულ ნაბიჯს ვდგამთ. ვნახოთ, სადამდე მიგვიყვანს ის".