ევროკავშირში ამ დროისთვის 200 მილიონი დოზა ვაქცინა უკვე გამოყენებულია. ეს იმას ნიშნავს, რომ ევროგაერთიანება ცდილობს სწრაფად მიუახლოვდეს დასახულ მიზანს, რაც ივლისის ბოლოსთვის უფროსი თაობის მოქალაქეების 70-%-ის სრულ ვაქცინაციას, ანუ 448-დან 255 მილიონი ადამიანის ორივე დოზით აცრას გულისხმობს.
ამ დროის მონაცემებით, 52,9 მილიონი მოქალაქე, ანუ მოსახლეობის 11,8% ორივე დოზით ვაქცინირებულია. ევროკავშირის ფარგლებში BioNTech/Pfizer, Moderna, AstraZeneca Johnson&Johnson -ის ვაქცინები გამოიყენება. Johnson&Johnson-ით ვაქცინაცია მხოლოდ ერთ დოზას საჭიროებს.ვაქცინაციის ტემპის თვალსაზრისით ევროკავშირის მასშტაბით მალტა ლიდერობს. იქ სრულად იმუნიზებული მოსახლეობის 32,5%-ია. ბულგარეთში კი პროცესი ძალიან ნელი ტემპით მიმდინარეობს და ჯერ მოქალაქეების მხოლოდ 6,1%-ია აცრილი. გერმანიაში სრულად ვაქცინირებულთა რაოდენობა 11,1%-ს, საფრანგეთში 13,5%-ს, იტალიაში 14,5%-ს, ესპანეთში კი - 15,4%-ს აღწევს.
