ევროკომისია AstraZeneca-ს წინააღმდეგ სარჩელის წარდგენას გეგმავს. ამის შესახებ ინფორმაციას Reuters ავრცელებს.
როგორც ჩანს, ევროკავშირის ეს გადაწყვეტილება ინგლისურ-შვედური მწარმოებელის წინააღმდეგ უკავშირდება იმ ფაქტს, რომ კომპანიამ არაერთხელ დაარღვია მიწოდების პიროებები და ევროკავშირის კორონავირუსის საწინააღმდეგო ვაქცინებით მომარაგება შეწყვიტა.
სარჩელის შესახებ ინფორმაცია თავდაპირველად გამოცემა Politico-ში გახდა ცნობილი. ევროკავშირის ოფიციალურმა წარმომადგენელმა, რომელიც ვაქცინების მწარმოებლებთან მოლაპარაკებებშია ჩართული ეს ინფორმაცია დაადასტურა. მისი თქმით, ეს საკითხი ოთხშაბათს გამართული დიპლომატების შეხვედრის დროს განიხილეს.
სავარაუდო სამომავლო სარჩელთან დაკავშირებით AstraZeneca-ს კომენტარი ჯერ არ გაუკეთებია.
