მსოფლიო მცდელობის მიუხედავად შეაჩეროს და მართოს კორონავირუსი, ინფიცირებულთა და დაღუპულთა რიცხვი ჯერ კიდევ დრამატულად იზრდება. ევროპის 52 ქვეყანაში პანდემიის შედეგად გარდაცვლილთა რაოდენობამ მილიონს გადააჭარბა და 1 000 288-ს მიაღწია. მსოფლიო მასშტაბით კი კორონავირუსით სულ 2,9 მილიონი ადამიანი დაიღუპა.
ჯანდაცვის მსოფლიო ორგანიზაციის განცხადებით, პანდემიის თვალსაზრისით ამ ეტაპზე სამყარო კრიტიკულ ზღვარზე იმყოფება. ინფიცირებულთა რიცხვი ბოლო 7 კვირაა, ხოლო გარდაცვლილთა რაოდენობა ბოლო 4 კვირაა ისევ იზრდება.
მსოფლიოში სულ კორონავირუსის 136, 6 მილიონი შემთხვევაა დაფიქსირებული. 23, 8 მილიონი ადამიანი საავადმყოფოში მკურნალობს. 109,8 მილიონი პაციენტი გამოჯანმრთელდა.