წლევანდელი ევროვიზიის კონკურსს, რომელიც როტერდამში გაიმართება, 3500 გულშემატკივარი დაესწრება. ინფორმაცია ჰოლანდიის მთავრობამ დაადასტურა. ამის შესახებ Sky იუწყება.
მთავრობის განცხადებით, კონკურსზე მკაცრად გაკონტროლდება უსაფრთხოების წესები. დარბაზი გულშემატკივრებით მხოლოდ 20%-ით გაივსება. ამასთან, თითოეულ მათგანს უნდა ჰქონდეს გაკეთებული კორონავირუსის ტესტი ბოლო 24 საათის განმავლობაში. ბილეთები ხელმისაწვდომი მხოლოდ იმ ადამიანებისთვის იქნება, ვინც ის 2020 წელს გასამართი კონკურსისთვის შეიძინა.
აღსანიშნავია, რომ გულშემატკივრებს საშუალება ექნებათ დაესწრონ 9 "ლაივ" კონცერტს.
ევროვიზიის აღმასრულებელმა დირექტორმა, მარტინ ოსტერდალმა განაცხადა, რომ პანდემიის პირობებში, დარბაზში გულშემატკივრების დაშვებით მოხარულია და ნიდერლანდების ხელისუფლების გადაწყვეტილებას მიესალმება.
