ერევანში, სომხეთის პრემიერ-მინისტრის მოვალეობის შემსრულებლის, ნიკოლ ფაშინიანის საავტომობილო კორტეჟის ერთ-ერთი ავტომობილი ავტოსაგზაო შემთხვევაში მოყვა. ამის შესახებ ინფორმაციას სომხური მედია ავრცელებს.
გავრცელებული ინფორმაციით, ავტოსაგზაო შემთხვევა ერევნის ცენტრში, ცენტრალური ბანკის შენობასთან მოხდა.
ინციდენტის შედეგად ერთი ადამიანი დაშავდა.
თავად ფაშინიანი, ამ დროისათვის, პარლამენტის საგანგებო სესიაში იღებს მონაწილეობას.