აშშ-სი სურსათისა და მედიკამენტების ადმინისტრაციამ წონის კლების პრეპარატს ავტორიზაცია მიანიჭა. ამის შესახებ გამოცემა Science Alert წერს.
წონის მართვის ახალ მედიკამენტ Wegovy-ს დანიური ფარმაცევტული კომპანია Novo Nordisk აწარმოებს.
ამ წლის დასაწყისში ჩატარებული გამოკვლევის შედეგად, რომელშიც 16 ქვეყნიდან თითქმის 2 000 ჭარბწონიანი ადამიანი მონაწილეობდა, აჩვენა, რომ პრეპარატმა წონის კლებას 15%-ით შეუწყო ხელი.
კვლევის ზოგიერთმა მონაწილემ კიდევ უფრო მეტი დაიკლო. ჯგუფის 30 პროცენტზე მეტმა წონის 20 პროცენტზე მეტი დაიკლო.
”ამ დონის ეფექტურობას ვერცერთი სხვა პრეპარატი ვერ აღწევს”, - ამბობს მკვლევარი რეიჩელ ბატერჰემი ლონდონის უნივერსიტეტიდან.
აშშ-ში აცხადებენ, რომ 20 წელს გადაცილებულთა სამ მეოთხედს წონის პრობლემა აქვს. ექსპერტები იმედოვნებენ, რომ ახალი მედიკამენტი მრავალ ადამიანს დაეხმარება წონის კლებაში.
