ფიჯის პრემიერ-მინისტრი, ფრენკ მბაინიმარამა აცხადებს, რომ ქვეყანაში არც ერთი კოვიდინფიცირებული აღარ დარჩა. ამის შესახებ ის Twitter-ზე წერს.
"ცოტა ხნის წინ ფიჯიზე COVID-19 ინფიცირებული, ჩვენი ბოლო აქტიური პაციენტი გამოჯანმრთელდა. მიუხედავად იმისა, რომ ყოველდღიურად ჩატარებული ტესტების რიცხვი მატულობს, უკვე 45 დღე გავიდა მას შემდეგ, რაც ჩვენ ინფიცირების ბოლო შემთხვევა დავარეგისტრირეთ. გარდაცვალების შემთხვევები არ ყოფილა, გამოჯანმრთელების მაჩვენებელი 100 პროცენტს შეადგენს", - წერს პრემიერი.
Fiji has just cleared the last of our active #COVID19 patients.
— Frank Bainimarama (@FijiPM) June 4, 2020
And even with our testing numbers climbing by the day, it's now been 45 days since we recorded our last case. With no deaths, our recovery rate is 100%.
Answered prayers, hard work, and affirmation of science!
ფიჯიზე ახალი კორონავირუსით ინფიცირების პირველი შემთხვევა 19 მარტს დაფიქსირდა. ქვეყანაში, ეპიდემიის დაწყებიდან, COVID-19-ის 18 შემთხვევა იყო გამოვლენილი.