წყნარ ოკეანეში, ფიჯის არქიპელაგის აღმოსავლეთით 6.0 მაგნიტუდის სიმძლავრის მიწისძვრა მოხდა. ამის შესახებ განცხადებას ევროპა-ხმელთაშუაზღვის სეისმოლოგიური ცენტრი ავრცელებს.
მიწისძვრის ეპიცენტრი ქალაქ ლევუკას აღმოსავლეთით, 340 კმ-ის დაშორებით, ხოლო ტონგის სამეფოს დედაქალაქიდან - ნუკუალოლოფადან დაახლოებით 356 კმ-ის დაშორებით მდებარეობდა.
სტიქიის ეპიცენტრი 392 კმ-ის სიღრმეზე მდებარეობდა.
დაზარალებულთა და შესაძლო ზარალის შესახებ ინფორმაცია არ ვრცელდება. ცუნამის საფრთხე არ გამოცხადებულა.