პენსილვანიის ქალაქ ფილადელფიაში ათასამდე მოქალაქემ საპროტესტო მსვლელობა გამართა, რაც მალევე არეულობასა და დარბევაში გადაიზარდა. მოსახლეობის პროტესტი პოლიციის მხრიდან სროლის შედეგად შავკანიანი მამაკაცის გარდაცვალების ფაქტს მოჰყვა. აქციის მონაწილეებმა კასტროსა და არამინგოს რაიონებში ქუჩები დაარბიეს და მაღაზიები გაძარცვეს. ადგილობრივი ხელისუფლების განცხადებით, დაშავებულია 30-მდე პოლიციელი. დაკავებულია ათობით ადამიანი.ფილადელფიაში ეროვნული გვარდიის დანაყოფებია მობილიზებული.
Theyâre looting Walmart now in Philadelphia tonight pic.twitter.com/62S1QD5QLd
— Jack Posobiec (@JackPosobiec) October 28, 2020
26 ოქტომბერს ფილადელფიის პოლიციის თანამშრომლებმა რამდენიმე გაფრთხილების შემდეგ ცეცხლი გაუხსნეს 27 წლის დანით შეიარაღებულ ფერადკანიან მამაკაცს უოლტერ უოლესს. მედიის ინფორმაციით, მას ფსიქიკური პრობლემები ჰქონდა და მედიკამენტებს იღებდა. მომხდართან დაკავშირებით აღძრულია სისხლის სამართლის საქმე და უოლესის გარდაცვალების ფაქტს სამართალდამცავები გამოიძიებენ.
