ფინეთში, ვიტას ლაბორატორიაში, კორონავირუსის ახალი, მანამდე უცნობი შტამი - Fin-796H აღმოაჩინეს.
ამ მუტირებული ვარიანტის დადგენა ძალიან რთულია ჯანმო-ს მიერ რეკომენდებული PCR რომელიმე ტესტით. ეს აღმოჩენა მნიშვნელოვან როლ ითამაშებს დაავადების გავრცელების გასაზღვრის საქმეში. SARS-CoV-2 ვირუსს წინასწარ დაერქვა Fin-796H ვარიანტი. მას აქვს როგორც ბრიტანული, ასევე სამხრეთ აფრიკული ვარიანტის ნიშნები.
მსოფლიოში უკვე კორონავირუსის რამდენიმე სხვადასხვა შტამი გამოვლინდა. თითქმის ყველა მათგანს აქვს ბრიტანული, სამხრეთ აფრიკული, ბრაზილიური ან იაპონურ ვარიანტების ნიშნები. თუმცა, ვიტას ლაბორატორიის წარმომადგენელთა განცხადებით, ფინეთში ნაპოვნი ვარიანტი განსხვავდება ყოველივე ზემოთქმული ვარიანტისგან. PCR ტესტების უმეტესობას მისი განსაზღვრა არ შეუძლია.
ფინეთში კორონავირუსით 51,595 ადამიანი დაავადდა 723 პაციენტი გარდაიცვალა.
