გაერო-ს კონფერენცია ბირთვული შეთანხმების შესახებ მომავალი წლის აგვისტოსთვის გადაიდო. ამის მიზეზი COVID-19 შემთხვევების მკვეთრი ზრდა გახდა. ინფორმაციას AP ავრცელებს.
მომდევნო სამშაბათს, გაერო-ს შტაბ-ბინაში 1970 წლის ბირთვული იარაღის გაუვრცელებლობის ხელშეკრულების გადასინჯვის მიზნით ნიუ-იორკში კონფერენცია უნდა გამართულიყო. COVID-19 პანდემიის გამო მისი ჩატარება 2 წლის განმავლობაში ვერ ხერხდებოდა.
თუმცა, გაერო-ს განიარაღების საკითხების ოფისმა (UNODA) ხუთშაბათს გამოაგზავნა ელ.წერილი, რომელშიც აცნობა ყველა მონაწილე მხარეს, რომ კონფერენცია ახლა 2022 წლის 1 აგვისტოს იქნება მოწვეული.
ხელშეკრულების განხილვის კონფერენციები ყოველ ხუთ წელიწადში ერთხელ იმართება, რათა შეფასდეს მისი განხორციელება და ახალი ვალდებულებები განისაზღვროს.
კონფერენციის ბოლო სხდომა 2015 წელს გაიმართა.