გალაპაგოსის ერთ -ერთ კუნძულზე დარვინის ცნობილი თაღი ჩამოინგრა. ვულკანური წარმოშობის ბუნებრივი თაღი საუკუნეების მანძილზე ტურისტებისთვის მიმზიდველ სანახაობას წარმოადგენდა.
ეკვადორის გარემოს დაცვის სამინისტროს განცხადებით, თაღი 17 მაისს, ბუნებრივი ეროზიის ნიადაგზე ჩამოიშალა. ადგილზე ახლა მხოლოდ ორი სვეტი დარჩა.
დარვინის თაღი წყნარ ოკეანეში, დარვინის კუნძულიდან 1 კილომეტრში მდებარეობდა. მისი სიმაღლე მაქსიმალურ წერტილში 18 მეტრს აღწევდა.
გალაპაგოსის კუნძულების არქიპელაგი ეკვადორის სანაპიროდან 965 კილომეტრში მდებარეობს. ის 13 ძირითადი ვულკანური კუნძულისგან, 6 პატარა კუნძულისგან და 107 კლდისგან შედგება.
Informamos que hoy 17 de mayo, se reportó el colapso del Arco de Darwin, el atractivo puente natural ubicado a menos de un kilómetro de la isla principal Darwin, la más norte del archipiélago de #Galápagos. Este suceso serÃa consecuencia de la erosión natural.
— Ministerio del Ambiente y Agua de Ecuador (@Ambiente_Ec) May 17, 2021
Héctor Barrera pic.twitter.com/lBZJWNbgHg