Netflix-მა წარმოადგინა რაიან მერფის მიუზიკლის, "გამოსაშვების" (The Prom) თრეილერი. ფილმში მთავარ როლებს მერილ სტრიპი და ნიკოლ კიდმანი ასრულებენ.
პრემიერა 11 დეკემბერს გაიმართება.
"გამოსაშვების" სიუჟეტი ამავე სახელწოდების ბროდვეის მიუზიკლს ეფუძნება. მასში მოთხრობილია თეატრის მსახიობების ჯგუფის ისტორია, რომელთა ბოლო შოუ სრული ფიასკოთი დასრულდა და ახლა მათ კარიერას საფრთხე ემუქრება.
ისინი ყურადღების მიქცევას გადაწყვეტენ და ინდიანას შტატის პატარა ქალაქში, გაემგზავრებიან, რათა დაეხმარონ ორ გოგონას, მიიღონ ნებართვა, რომ სკოლის გამოსაშვებ საღამოს წყვილის სახით დაესწრონ.
