სულ მალე გაყიდვაში გამოჩნდება წიგნი "The Sistine Chapel", რომელშიც სიქსტეს კაპელის ნახატებია თავმოყრილი. ის სამი ტომისგან შედგება და ლეგენდარული შენობის ყველა ფრესკა 1:1 მასშტაბით იქნება წარმოდგენილი.
როგორც გამომცემლები განმარტავენ, მიქელანჯელოს ფრესკები ასეთი სიზუსტით და დეტალებით პირველად იქნება გადმოცემული. მკითხველს შეეძლება, ისინი ისე დაათვალიეროს, თითქოს მხატვრის მხარზე ზის. სიქსტეს კაპელის ციფრულ ფორმატში გადაყვანას 67 ღამე დასჭირდა.
გამოცემის ყდები აბრეშუმისა და თეთრი ტყავისგან არის დამზადებული. პრინტები კი ვერცხლის, ოქროს ან პლატინისაა. მისი ღირებულება 22 ათასი დოლარი იქნება.