გარდაიცვალა ცნობილი ინდოელი იოგი, რომელიც ამტკიცებდა, რომ ბოლო 80 წლის განმავლობაში საჭმელს არ ჭამდა და წყალს არ სვამდა.
იოგი და განდეგილი პრაჰლად ჯანი 91 წლის ასაკში გარდაიცვალა. მის შესახებ ინფორმაცია საქველმოქმედო ორგანიზაცია Yugal Sarkar-მა გაავრცელა.
ჯანი 7 წლის იყო, როდესაც სახლი დატოვა და ჯუნგლებში წავიდა საცხოვრებლად. 12 წლის ასაკში იგი ინდური რელიგიური ღმერთის შივას მეუღლის, ქალღმერთ ამბას მიმდევარი გახდა.
იოგი ამტკიცებდა, რომ სწორედ ქალღმერთ ამბას წყალობით იკვებებოდა მისი ორგანიზმი და მას საჭმელი და წყალი არ სჭირდებოდა. ექიმებმა ის რამდენჯერმე გასინჯეს და დაადგინეს, რომ ბოლო 10 დღის განმავლობაში მის ორგანიზმს არანაირი საკვები, ან სასმელი არ მიეღო. ტუალეტშიც არ იყო ნამყოფი. ამასთანვე, იგი თავს საკმაოდ მხნედ და ენერგიულად გრძნობდა.
91 years old Shri. Prahlad Jani left his physical body. He is also known as Mataji or Chunriwala Mataji, who was an Indian breatharian monk who claimed to have lived without food and water since 1940. He said that the goddess Amba sustained him. pic.twitter.com/GKeZoflurw
— Devi Neha Saraswat Ji (@devinehaji) May 27, 2020
ადგილობრივი მედიის ცნობით, განდეგილს ჯანმრთელობის პრობლემები აპრილში დაეწყო.
მედეა ცხოვრებაძე
ავტორი