პოლონური წარმოშობის ჰოლივუდის ცნობილი რეჟისორი რომან პოლანსკი ახალ დრამას - "სასახლეს" გადაიღებს. სიუჟეტი 1999 წელს შვეიცარიის ალპებში, სასტუმროში ვითარდება. ფილმის გმირების ბედი წინასაახალწლოდ, ახალი ათასწლეულის მიჯნაზე გადაიკვეთება. სცენარის სხვა დეტალები უცნობია.
პოლანსკის 2020 წელს გადაღებულმა ფილმმა "ოფიცერი და ჯაშუში" ფრანგული კინოაკადემიის სამი ჯილდო, "სეზარი" მოიპოვა, მათ შორის ერთი საუკეთესო რეჟისორული ნამუშევრისთვის. დაჯილდოების ცერემონიას თავად პოლანსკი არ დასწრებია. ამის ერთ-ერთი მიზეზი ფემინისტების აქცია გახდა, რომლებიც მიიჩნევდნენ, რომ ქვეყნის მთავარი კინოჯილდო "მოძალადისთვის" არ უნდა გადაეცათ.
შეგახსენებთ, რომ 1977 წელს რომან პოლანსკის ბრალი დასდეს 13 წლის გოგონაზე სექსუალურ ძალადობაში. წარმოშობის მღელვარების გამო, რეჟისორი ფარულად გადავიდა შეერთებული შტატებიდან საფრანგეთში, სადაც ეროვნული კანონი კრძალავს გაქცეული კრიმინალების ექსტრადიციას.
