ელექტრომობილების ამერიკული მწარმოებელი, კომპანია Tesla გერმანიის ხელისუფლებამ, ბატარეების გადამუშავების წესის დარღვევის გამო, 12 მილიონი ევროთი დააჯარიმა. ამის შესახებ გამოცემა Welt am Sonntag იუწყება.
”გერმანიის ფედერაციული რესპუბლიკის გარემოს დაცვის ფედერალური ოფისი Tesla-ს შვილობილ კომპანიას გადამუშავების წესების დარღვევაში ადანაშაულებს", - აღნიშნავს გამოცემა.
გამოცემის ცნობით, საუბარია "ადმინისტრაციულ ვალდებულებების" დარღვევაზე, რომელთა შესახებაც დამატებითი ინფორმაცია არ ვრცელდება.
Tesla-მ დეპარტამენტის გადაწყვეტილება გაასაჩივრა.
