გერმანიის ჯანდაცვის მინისტრის იენს შპანის განცხადებით, ბავშვებს კორონავირუსის საწინააღმდეგო ვაქცინაცია, სავარაუდოდ, ზაფხულიდან ჩაუტარდებათ. ამის შესახებ გამოცემა Pledge Times წერს.
გერმანიაში, ამ დროისათვის, ვაქცინები 16-დან 18 წლამდე მოზარდებისთვის არის ხელმისაწვდომი.
იენს შპანი ვარაუდობს, რომ გერმანიას ვაქცინის მარაგი უახლოეს ცხრა-ათ კვირაში ამოეწურება, თუმცა პრეპარატის ახალი მარაგის მიწოდების შემდეგ, დაახლოებით, აპრილის თვიდან მდგომარეობა მნიშვნელოვნად გაუმჯობესდება.
გერმანიაში კორონავირუსით სულ 2 276 371 ადამიანი დაინფიცირდა, ხოლო 61 661 გარდაიცვალა.
