რობერტ კოხის ინსტიტუტის ინფორმაციით, გერმანიაში კორონავირუსის საწინააღმდეგო ვაქცინა 1 მილიონზე მეტმა ადამიანმა გაიკეთა.
ბოლო 24 საათის განმავლობაში ვაქცინაცია კიდევ 79 759 ადამიანს ჩაუტარდა, რითაც COVID-19-ზე აცრილ პირთა რიცხვი 1 048 160-მდე გაიზარდა.
გერმანიის მოქალაქეებს კორონავირუსზე Pfizer / BioNTech-ის ვაქცინით ცრიან.
ეპიდემიის გავრცელებიდან დღემდე, გერმანიაში COVID-19-ით 2 030 016 პირი დაინფიცირდა, ხოლო 46 751 გარდაიცვალა.
