გერმანიის საზოგადოებრივი ჯანდაცვის ოფიციალურმა წარმომადგენელმა ხელისუფლებას მოუწოდა, სასწრაფოდ მიიღოს მკაცრი ზომები კორონავირუსის მესამე ტალღის შესაჩერებლად. ამის შესახებ ინფორმაციას Reuters ავრცელებს.
"საავადმყოფოებში სიტუაცია მძიმდება, ზოგიერთ შემთხვევაში დრამატულადაც კი", - განაცხადა რობერტ კოხის ინსტიტუტის პრეზიდენტმა, ლოთარ ვილერმა ყოველკვირეულ კონფერენციაზე.
მისივე თქმით, სიტუაცია, შესაძლოა, იმაზე უფრო მეტად დამძიმდეს, ვიდრე მეორე ტალღის დროს.
გასული დღე-ღამის განმავლობაში გერმანიაში კორონავირუსის 29,426 შემთხვევა გამოვლინდა და 3,073,442-ს მიაღწია. ჯამში COVID-19-ით 79,381 ადამიანი გარდაიცვალა.
