"თურქეთს სურს, რომ რუსეთმა და უკრაინამ მათ შორის არსებული უთანხმოებები, რაც შეიძლება სწრაფად, მშვიდობიანი გზებით მოაგვარონ”, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
”გუშინ უკრაინის პრეზიდენტს შევხვდით. გვსურს, რომ მათ შორის უთანხმოებები, რაც შეიძლება სწრაფად, მშვიდობიანი გზებით მოგვარდეს და ამ მიმართულებით ძალისხმევას არ დავიშურებთ”, - განაცხადა ერდოღანმა.
ერდოღანმა ასევე აღნიშნა, რომ თურქეთის პოზიცია, ყირიმის არაღიარებასთან მიმართებაში, კვლავ მტკიცედ უცვლელია.
