იემენში, ჰუსიტების შეიარაღებულმა ძალებმა, ოთხშაბათს, საჰაერო დრონი გაუშვეს საუდის არაბეთის სამხრეთით მდებარე ქალაქ ხამის-მუშაითის სამხედრო ბაზის მიმართულებით, - ამის შესახებ აჯანყებულთა სამხედრო სპიკერმა Twitter- ზე განაცხადა. ინფორმაციას Reuters ავრცელებს.
საუდის არაბეთის კოალიციამ, რომელიც ირანისგან მხარდაჭერილ ჰუსიტებს ებრძვის, განაცხადა, რომ საუდის არაბეთის საჰაერო თავდაცვამ სამეფოს მიმართულებით მოძრავი დრონი შეამჩნია და გაანადგურა.
უკვე მეშვიდე წელია მსოფლიოში ყველაზე ღარიბ არაბულ ქვეყანაში – იემენში, მიმდინარეობს სისხლიანი სამოქალაქო ომი აჯანყებულ ჰუსიტებსა და სამთავრობო ძალებს შორის. 2014 წლის სექტემბერში, ჰუსიტებმა საკუთარ კონტროლს დაუქვემდებარეს იემენის დედაქალაქი – სანაა და განაგრძეს წინსვლა ქვეყნის სიდიდით მეორე ქალაქ ადენის მიმართულებით. ამის საპასუხოდ, არაბულმა სახელმწიფოებმა, საუდის არაბეთის მეთაურობით, წამოიწყეს სამხედრო კამპანია, რათა დაემარცხებინათ ჰუსიტები და აღედგინათ იემენის მთავრობა. კონფლიქტი დღემდე მიმდინარეობს. ის რეგიონში ძირითადად განიხილება, როგორც მარიონეტული ომი საუდის არაბეთსა და ირანს შორის.
იემენის ჰუმანიტარული კრიზისი რჩება მსოფლიოში ყველაზე დიდ ჰუმანიტარულ კრიზისად.
ვახო რევაზიშვილი
ავტორი