იემენის ქალაქ ელ-ბაიდაში მამაკაცმა ოჯახური კონფლიქტის ნიადაგზე 12 ადამიანი, მათ შორის ცოლი და სამი შვილი მოკლა. ამის შესახებ ABC News წერს.
ადგილობრივი უსაფრთხოების სამსახურის წარმომადგენელთა განცხადებით, 20 წლის მამაკაცი მეუღლის ოჯახში სამი კვირის განმავლობაში იმყოფებოდა, რადგან მათ მესამე შვილი შეეძინათ. მამაკაცმა მეუღლესთან კონფლიქტის დროს ცეცხლსასროლი იარაღით ოჯახის 12 წევრი მოკლა და 4 ადამიანი დაჭრა. მოკლული ჩვილი სულ რაღაც 20 დღის იყო. ინციდენტის დროს დაშავდა 3 პოლიციელიც.
უსაფრთხოების სამსახურში აცხადებენ, რომ მამაკაცი, რომელმაც გაქცევა სცადა, ადგილზე იყო ლიკვიდირებული.
თეკო გიორგაძე
ავტორი