იერუსალიმში მართლწესრიგის დარღვევისთვის საპროტესტო აქციაზე 34 ადამიანი დააკავეს. ამის შესახებ ისრაელის პოლიცია იუწყება.
სამართალდამცავების ინფორმაციით, აქციაში, რომელიც გუშინ საღამოს გაიმართა, რამდენიმე ათასი ადამიანი მონაწილეობდა. ნაწილი ისრაელის პრემიერ-მინისტრის, ბენიამინ ნეთანიაჰუს გადადგომას ითხოვდა, რადგან მის წინააღმდეგ სასამართლო პროცესი იმართება. მეორე ნაწილი კი მთავრობის გეგმებს აპროტესტებდა, რომლის მიხედვით კორონავირუსის გამო რესტორნების მუშაობის შეზღუდვა იგეგმება.