რაც შეეხება ჩვენს პოზიციას მშვიდობის მიღწევის შემდეგ, მასში არანაირი ცვლილება არ არის. ჩვენი პოზიცია ემყარება როგორც ისტორიულ სამართლიანობას, ასევე საერთაშორისო სამართალს და მსოფლიოში არსებულ პოზიტიურ გამოცდილებას, - ამის შესახებ აზერბაიჯანის პრეზიდენტმა ილჰამ ალიევმა Haber Türk- თან ინტერვიუში განაცხადა
მისი თქმით, პირველ ეტაპზე სომხეთის შეიარაღებული ძალები ოკუპირებული რაიონებიდან უნდა გავიდნენ და ეს საკითხი უკვე დამტკიცებულია მინსკის ჯგუფის ფარგლებში - 5 რაიონიდან, შემდეგ 2 რაიონიდან.
"იქ მცხოვრებ სომხებთან დაკავშირებით ჩვენს პოზიციაში არანაირი ცვლილება არ არის. აზერბაიჯანი მრავალეროვანი სახელმწიფოა. აზერბაიჯანის სხვადასხვა ნაწილშიც ათასობით სომეხი ცხოვრობს, პირველ რიგში ქალაქ ბაქოში და ისინი ჩვენი მოქალაქეები არიან. ჩვენს ქვეყანაში მრავალი ეროვნების წარმომადგენელი ცხოვრობს და ეს ჩვენი ქვეყნის ძალას ზრდის. ამიტომ, მთიანი ყარაბაღში მცხოვრები სომხები ნუ იდარდებენ. მას შემდეგ რაც მათ ამ კრიმინალური ხუნტის რეჟიმისგან ვიხსნით, ისინი უკეთ იცხოვრებენ, იცხოვრებენ უფრო უსაფრთხო პირობებში და მათი კეთილდღეობა გაიზრდება, რადგან ახლა იქ სიღარიბე სუფევს. ჩვენ ჩავდებთ იქ ინვესტიციებს, განვახორციელებთ სოციალურ პროგრამებს, გვექნება პროგრამები სამუშაო ადგილების შექმნასთან დაკავშირებით. ეს ყველაფერი გახდება ახალი ეტაპი იქ მცხოვრები სომხებისა და აზერბაიჯანელებისთვის, რომლებიც იქ დაბრუნდებიან”, - განაცხადა ალიევმა.
