ამერიკელ ბიზნესმენ ილონ მასკს კომპანია "ტესლას" ერთ-ერთი ინვესტორი სასამართლოში უჩივის.
გავრცელებული ინფორმაციით, ილონ მასკისა და "ტესლას" დირექტორთა საბჭოს წინააღმდეგ სარჩელი 8 მარტს შეიტანეს.
სარჩელის თანახმად, "მასკის არასათანადო საქციელმა" და "ტესლას" დირექტორთა საბჭოს ქმედებებმა, რაც მარეგულირებლის მოთხოვნების შეუსრულებლობაში გამოიხატებოდა, კომპანიას მნიშვნელოვანი ზიანი მიაყენა.
ინვესტორის თქმით, მასკმა არაერთხელ დაარღვია აშშ-ის ფასიანი ქაღალდებისა და გაცვლის კომისიის ხელშეკრულების პირობები, რომელიც 2018 წელს გაფორმდა. მან აღნიშნა, რომ მარეგულირებლის მიერ დაწესებული შეზღუდვების მიუხედავად, Tesla-ს დამფუძნებელმა კომპანიის შესახებ მნიშვნელოვანი ინფორმაცია Twitter-ზე წინასწარი თანხმობის გარეშე განათავსა.