ინდოეთის პრემიერ-მინისტრის ნარენდრა მოდის პერსონალური ტვიტერის ანგარიში დაჰაკეს და მასზე ცრუ შინაარსის მქონე ტვიტი გამოაქვეყნეს. დილის პერიოდში პრემიერ-მინისტრის გვერდზე @narendramodi გამოჩნდა განცხადება ტექსტით:
"ხელისუფლებამ 500 BTC (ბიტკოინი) შეიძინა და მის გადანაწილებას ქვეყნის ყველა მოქალაქეზე გეგმავს".
ტექსტს მოყვებოდა ვებ-გვერდის ბმული, ბიტკოინის მიღების მსურველებისთვის იყო განკუთვნილი. შესაბამისმა სამსახურებმა ვებ-გვერდი მალევე დაბლოკეს.
მსგავსი ინციდენტი 2020 წელსაც მოხდა, როდესაც პრემიერ-მინისტრის არაოფიციალურმა ანგარიშმა გაავრცელა გამოკითხვა კრიპტოვალუტის შეძენისა და კრიპტო-დონაციის შესახებ.
