ინდოეთის ტაძარში 40 წლის წინ მოპარულ სამ ბრინჯაოს ქანდაკებას უკან დააბრუნებენ. ქანდაკებების დაბრუნებაში ინდოეთს დიდი ბრიტანეთის საგამოძიებო უწყება დაეხმარა.
ისტორიულად და რელიგიურად მნიშვნელოვანი სამი ბრინჯაოს ქანდაკება 1978 წელს თანჯავუ რის რაიონის ტაძრიდან მოიპარეს. მიუხედავად იმისა, რომ ქურდები დაიჭირეს და გაასამართლეს, ბრინჯაოს ქანდაკებები ოთხი ათწლეულის განმავლობაში დაკარგული იყო.
ლონდონში მდებარე ინდოეთის კომისარიატმა ბრინჯაოს ამსახველი ფოტოები გამოაქვეყნა.
"ფასდაუდებელი ქანდაკებები ვიჯაიანაგარის პერიოდისა, რომელიც თარიღდება მე -14 და მე -17 საუკუნეებით", - ნათქვამია გამოქვეყნებულ განცხადებაში.
პოლიციის ინფორმაციით, გასულ წელსერთ-ერთი დაკარგული ქანდაკება დილერმა კეთილსინდისიერად იყიდა და შემდეგ ინდოეთს შესთავაზა საყიდლად.
"მან სისხლის სამართლის დანაშაული არ ჩაიდინა, როგორც კი გაიგო რომ ის ინდოეთში მოიპარეს, მაშინვე მისი უკან დაბრუნება გადაწყვიტა", - აღნიშნავენ პოლიციაში.
თეკო გიორგაძე
ავტორი