ინდოეთში, უტარ პრადეშის შტატში ახალშობილ გოგონას კორონა დაარქვეს. ამის შესახებ გამოცემა Dessan Herald წერს.
ბავშვის ბიძა ამბობს, რომ საშიშმა ვირუსმა ადამიანები გააერთიანა და ჯანსაღი ცხოვრების წესი და ჰიგიენის ნორმები გააძლიერა. მისი თქმით, ახლა პანიკის დრო არ არის და საჭიროა, მედიკოსებისა და ხელისუფლების რეკომენდაციების დაცვა.
"ეს პატარა ვირუსთან ბრძოლაში ადამიანების ერთობის სიმბოლო იქნება", - განაცხადა მან.
კორონა 22 მარტს, კომენდანტის საათის გამოცხადებამდე ცოტა ხნით ადრე დაიბადა. ბავშვი ჯანმრთელია და დედასთან ერთად სამშობიაროს მალე დატოვებს.
