ინდოეთში, დასავლეთ ბენგალიას შტატში კორონავირუსის კიდევ ერთი ახალი ვარიანტი გამოვლინდა. ამის შესახებ ქვეყნის გენომიკისა და ინტეგრაციული ბიოლოგიის ინსტიტუტის თანამშრომელმა, ვინოდ სკარიამ განაცხადა.
”B.1.618 არის SARS-CoV-2-ის ახალი ხაზი, რომელიც უმეტესად ინდოეთშია გავრცელებული და მას ცალკე გენეტიკური ვარიანტების ნაკრები აქვს, მათ შორის E484K, რომელიც იმუნური პასუხის აცილების ძირითადი ვარიანტია", - წერს სკარია "ტვიტერში".
B.1.618 - a new lineage of SARS-CoV-2 predominnatly found in India and characterized by a distinct set of genetic variants including E484K , a major immune escape variant. pic.twitter.com/dtfQJp2S2B
— Vinod Scaria (@vinodscaria) April 20, 2021
აღინიშნა, რომ ეს არის კორონავირუსის მეორე ხაზი, რომელიც გამოვლენილია ინდოეთიდან. პირველი აღმოაჩენილი იყო B.1.617, რომელიც ცნობილია, როგორც კორონავირუსის ორმაგი მუტაციის მქონე ვარიანტი.
”ბოლო თვეების განმავლობაში ინდოეთის შტატ დასავლეთ ბენგალიაში B.1.618-ის წილი მნიშვნელოვნად გაიზარდა”, - განაცხადა სკარიამ.
