ინდოეთის ჯანდაცვის სამინისტრომ ბოლო დღე-ღამის განმავლობაში კორონავირუსით ინფიცირების 40,134 შემთხვევა გამოავლინა.
ჯამში პანდემიის პერიოდში ქვეყანაში 31 695 958 შემთხვევა დადასტურდა.
უწყების ცნობით, უკვე ზედიზედ მეექვსე დღეა ქვეყანაში 40 ათასზე მეტი ახალი ინფიცირებული ფიქსირდება.
ბოლო დღე-ღამის განმავლობაში COVID-19-ს 422 ადამიანი ემსხვერპლა. ჯამში ინდოეთში კორონავირუსით 424 773 ადამიანი გარდაიცვალა.
