ინდოეთში გემებითა და ვერტმფრენებით ზღვაში 78 ადამიანს ეძებენ, რომლებიც მუმბაიში ბარჟის ჩაძირვის შემდეგ დაიკარგნენ. ამის შესახებ ინფორმაციას CTV ავრცელებს.
ქარიშხალი "თაუქთაე" უკანასკნელი 20 წლის განმავლობაში ყველაზე მძლავრი იყო. ქარის სიჩქარე 210 კილომეტრ საათს უტოლდებოდა. რამაც ორი ბარჟის ჩაძირვა გამოიწვია, რომლებიც ნავთობისა და ნატურალური გაზის კორპორაციისთვის მუშაობდნენ.
როგორც მეზღვაურმა ალოკ ანანდმა განაცხადა, 24 საათის განმავლობაში მათ 183 ადამიანი გადაარჩინეს სამი გემითა და ვერტმფრენით. სხვა ოპერაციის დროს, ეკიპაჟის 35 წევრის სიცოცხლე იხსნეს.
ერთ-ერთი გადარჩენილი ნიუ-დელის ტელევიზიას უყვება, რომ სამაშველო ჟილეტით წყალში გადახტა, ამის შემდეგ კი ის მეზღვაურებმა გადაარჩინეს.
მომაკვდინებელმა ციკლონმა გუჯარათისა და მაშარაშტრას რეგიონებში სულ მცირე 25 ადამიანის სიცოცხლე იმსხვერპლა და 16 000-მდე საცხოვრებელი სახლი დააზიანა.