ირანელმა დიპლომატმა, რომელსაც ტერორიზმის ბრალდებისთვის 20 წლით თავისუფლების აღკვეთა მიუსაჯეს, ბელგიის სასამართლოს სააპელაციო გასაჩივრებაზე უარი განაცხადა. ინფორმაციას ამის შესახებ პატიმრის ადვოკატები ავრცელებენ.
"ჩემი დაცვის ქვეშ მყოფი არ ცნობს ბელგიის სასამართლოს კომპეტენციას", - განაცხადა ადვოკატმა.
ასადოლა ასადი საფრანგეთში, პარიზთან ახლოს 2018 წლის ივნისში ირანის წინააღმდეგობის ეროვნული საბჭოს შეხვედრაზე ბომბის დამონტაჟების გეგმისთვის დააკავეს. ასადი ბელგიაში გაასამართლეს.
ფრანგი ოფიციალური პირები აცხადებენ, რომ ის ირანის სახელმწიფო სადაზვერვო ქსელს მართავდა და თეირანის ბრძანებს ასრულებდა.
