ირანის ნათანზის ბირთვულ ობიექტზე მომხდარი ინციდენტი "ბირთვული ტერორიზმია", - საინფორმაციო სააგენტო Reuters-ის ინფორმაციით, ამის შესახებ ირანის ატომური ენერგიის ორგანიზაციის ხელმძღვანელმა და ვიცე-პრემიერმა ალი აკბარ სალეჰმა განაცხადა.
”ირანი გმობს ამ საშინელ მოქმედებას და ხაზს უსვამს, რომ საერთაშორისო საზოგადოება და IAEA ამ ბირთვულ ტერორიზმს უნდა დაუპირისპირდნენ”, - განაცხადა სალეჰმა.
მისივე თქმით, თეირანი შესაბამის რეაგირებას მოახდენს. ვიცე პრემიერ-მინისტრმა არ დააკონკრეტა თუ ვინ დგას ამ "თავდასხმის" უკან.
შეგახსენებთ, დღეს ირანის ნათანზის ბირთვულ ობიექტზე ელექტრომამარაგების ინციდენტი მოხდა.
