ისლანდიაში 5.5 მაგნიტუდის სიმძლავრის მიწისძვრა მოხდა. ამის შესახებ განცხადებას ევროპა-ხმელთაშუა ზღვის სეისმოლოგიური ცენტრი აქვეყნებს.
მიწისძვრის ეპიცენტრი რეიკიავიკიდან ჩრდილო-აღმოსავლეთით 27 კილომეტრის დაშორებით მდებარეობდა.
აშშ-ის გეოლოგიურმა სამსახურმა მიწისძვრის სიმძლავრე 5.3 მაგნიტუდით შეაფასა.
ამავე დროს, აღნიშნულ რეგიონში განმეორებითი ბიძგიც დაფიქსირდა, რომლის სიმძლავრეც 4.5 მაგნიტუდას შეადგენდა.
მსხვერპლის, ზარალის ან ნგრევის შესახებ ინფორმაცია არ ვრცელდება.