ისრაელი ლიბანის საზღვარზე გვირაბსაწინააღმდეგო სენსორებს განათავსებს. ამის შესახებ დღეს ქვეყნის თავდაცვის სამსახურის წარმომადგენელმა განაცხადა.
გადაწყვეტილება ისრაელმა მას შემდეგ მიიღო, რაც ლიბანელ შიიტთა დაჯგუფება ჰეზბოლას მიერ უკანონო გვირაბების გაყვანის მცდელობა აღკვეთა.
"ყველა სამუშაო ჩვენს მიერ კონტროლირებად ტერიტორიაზე შესრულდება. ლურჯ ხაზს არ გადავკვეთთ", - განაცხადა ისრაელის სამხედრო სამსახურის სპიკერმა ჯონათან კონრიკუსმა.
მისი განმარტებით ტექნოლოგია "კედელი არ არის". ის მიწაში ჩამარხულ სეისმურ და აკუსტიკურ სენსორებს გულისხმობს.
ისრაელმა გარეო-ს ოფიციალურად უკვე შეატყობინა დაგეგმილი სამუშაოების შესახებ.
